الكاتب: أية العزة
روحت انادي ماما من عند الجيران اول ما دخلت قلت مرحبا
ردت جارتنا اذا ابوكي اجا احكيلو انو انا اصريت عليها تقعد
ردت امي مش قلتلك يا ام ليث ما بدي ااقعد الله يسامحك
ردت جارتنا ووشو بدو يسير كلو فنجن قهوة وكل سنة لتمري عنا مرة
امي ردت بس بتعرفي انو عنا عزيمة اليوم وما بدي اتاخر
ردت جارتنا الي فوتي اشربي قهوة قلت انا
ردت امي لا ما بتشرب قهوة
ردت جارتنا ابدا مش معقول ولا شو بتشربي
حاولت احكي انا بس قاطعتني امي مقضياهانسكافية
ردت جارتنا طيب طيب فوتي جربي قهوتي والله ما بتتعوض
ردت امي لا تغلبي حالك
خلاص روحي وهلا بلحقك
قاطعتها جارتنا طيب بلوزتك هاي من وين
بسرعة امي جاوبت
هاي جابتها نسرين(اختي)من لبنان
جارتنا بس مش كتير ديقة
ردت امي اه اه احكي معاها والله تعبت معاها مش عم تسمع كلام حد
جاتنا بتعطيني نصيحة بتحكلي والله يا اية هيك ما بسير
حاولت ارد
فوجئت بمقاطعة رهيبة من امي والله الحيط برد وهي لا
بحكي ل امي ماما بدي اياكي دقيقة
ردت جارتنا يلا هلا بتيجي
ماما خلاص روحي احكي لابوكي هيني جاي فنجان القهوة وباجي
واستمر الحوار اكتر من 10 دقائق وانا لسا ما حكيت شو بدي او ما نطقت اي شي
حملت حالي وروحت وانا اصلا كنت رايح احكي لامي انو انا بدي اطلع برا البيت اليوم لانو معزومة ع العشا
وما كنت بعرف عن اي شي
وبدي فلوس ولا بابا كان جاي ولا شي
بس نسوااااااااااااااااان